ابنا: امريکي صدر براک اوباما نے شام کي صورتحال کے بارے ميں ٹيلي ويژن پر براہ راست بات چيت کرتے ہوئے کہا کہ ابھي يہ کہنا قبل از وقت ہوگا کہ شام کے کيميائي ہتھياروں کے بارے ميں روس کي تجويز موثر واقع ہوگي ليکن فوجي کاروائي کے متبادل کے طور پر ہم اس کا خير مقدم کرتے ہيں۔
روس کے صدر ولادي مير پوتن نے رشياٹوڈے سے بات چيت کرتے ہوئے يہ بات زور ديکر کہي ہے کہ شام کے کيميائي ہتھياروں کي تحويل کے منصوبے پر صرف اسي صورت ميں عملدرآمد ہوسکتا ہے جب امريکہ اور اس کے اتحادي شام پر حملے کا ارادہ ترک کرديں۔
شام کے وزير خارجہ وليدا المعلم نے بھي منگل کي شام ماسکو ميں پريس کانفرنس سے خطاب کرتے ہوئے کہا کہ انکا ملک روس کي اس تجويز کا خير مقدم کرتا ہے اور ہم کيميائي ہتھياروں کے عالمي کنونشن پر دستخط کرنے کے لئے بھي تيار ہيں۔'
برطانوي وزيراعظم ڈيوڈ کيمرون نے بھي جو برطانوي پارليمنٹ کے ايوان زيريں دارالعوام ميں جنگ شام کا بل پيش کرکے ناکام کي منہ ديکھ چکے ہيں، شام کے کيميائي ہتھياروں کے عالمي نگراني کے بارے ميں روسي تجويز کو قابل غور قرار ديا ہے۔
کينڈا کے وزير خارجہ جان برڈ نے بھي روس کي تجويز کا خير مقدم کرتے ہوئے کہا ہے کہ تمام سياسي قوتوں کے درميان مذاکرات ہي بحران شام کا واحد حل ہے۔
بيلاروس نے بھي مشرق وسطي اور شام کے بحران کي روک تھام کے حوالے سے عالمي برداري کي کوششوں کا خيرمقدم کرتے ہوئے اميد ظاہر کي ہے کہ روس کي تجويز امريکہ کو جنگ شام سے دستبردار ہونے پر آماد کر لے گي۔
لبنان کے صدر ميشل سليمان نے بھي اميد ظاہر کي ہے کہ شام کا بحران روسي تجويز کي روشني ميں حل کرليا جائے گا۔ انہوں نے کہا کہ شام ميں بدامني کے آغاز ہي سے لبنان اس بات زور ديتا چلا آيا ہے کہ بحران شام کو مذاکرات کے ذريعے اور پرامن طريقے سے حل کيا جانا چاہيے۔
بحران شام کے حل کے لئے روسي کي تجويز ايسے وقت ميں سامنے آئي ہے جب امريکہ کي قيادت ميں شام مخالف اتحاد نے کيميائي ہتھياروں کے استعمال کے بہانے سے مشرق وسطي کے اسرائيل مخالف مخاذ کے اہم ترين ستون شام کے خلاف جنگ کي تياريوں ميں اضافہ کرديا تھا۔
.....
/169
